最近讀到的一篇新聞。

政情：天水圍改名添瑞圍
「新界王」鄉議局主席劉皇發早前喺立法會行政長官答問大會上一句「唔怕生壞命，最怕改壞名」，掀起社會關注被視為悲情城市嘅元朗天水圍改名問題，亦迫使煲呔曾話積極考慮。嗰頭講完，話咁快就有結果嘞！我哋前日喺中環立法會門外遇到勞工及福利局局長張建宗，佢一講起天水圍即刻眉飛色舞，話收到風，天水圍改名好大機會採用發叔建議嘅「添瑞圍」，意思係增添瑞氣，大吉大利！

交元朗區議會討論
發叔倡議改名已有一段時間，但煲呔曾早前就喺立法會上潑冷水，話「天水圍」呢個名係新界人改，言下之意係叫新界人自己收拾爛攤子。雖然煲呔曾咁縮骨同卸膊，但發叔都無記心度，仍然實事求是絞盡腦汁諗幾個好意頭嘅名，包括「添水圍」、「添瑞圍」和「天瑞圍」，無諗到「添瑞圍」可以跑出。發叔尋日同我話，佢會喺日內盡快將新命名建議提交元朗區議會討論，仲會做工夫爭取議員支持；倘若獲通過，而政府又無反對嘅話，就可以正式改名。
地政總署有關地方或街道改名嘅要求唔算高，只要無具有極不良嘅含意、維持用字嘅一致或準確性、以及無同現存嘅名稱鬧雙胞等，就可以適當改名。過去咁多改名之中，最廣為人知嘅係前港英政府七三年將青山改為屯門，吊頸嶺改為調景嶺，回歸後特區政府就九九年將前港督府改為禮賓府，而近年為配合迪士尼樂園啟用，大嶼山陰澳就改名為欣澳，總之唔啱聽同唔好意頭地方都可以改，改到啱聽為止。

雖然話地方改名無難度，但對於人口密集嘅天水圍嚟講，總係有啲難度，除咗要政黨鬥到難分難解嘅元朗區議會通過外，區內所有印有天水圍路牌、大廈和商場牌匾都統統要更換，網頁上有關天水圍嘅資料又要更新，甚至連地圖和街道圖都要更正，等於「牽一髮動全身」。不過，天水圍改名就算幾艱難都好，發叔都拍心口話問題不大，事關大家都係想區內居民安居樂業，希望社區今後順風順水啫！

來源：二零零八年二月十七日 東方日報

難道改一改名就可以把社區的問題順利的解決麼？這一個地區入面，車費昂貴，設施不完備，眾所周知。在 維基百科內有關這地區的總總社區問題的條目中得知，整個地區的規劃錯誤，導致的社區問題，政府也是責無旁貸，不能袖手旁觀，但為何在這一切的問題上，政府的態度還不是很積極？連特首對這地區的態度也不甚理會。
現在這地區的改名，所牽渉的資源實在是太廣，各交通工具、大廈、商場的一切資訊牌等等，全都要更換，浪費資源與人力。倒不如政府真的用這一些花在不太重要的事上的金錢，真真正正為這一區幹一些實務算吧，這一些的實務是直接的改善當地地區的社區問題，例如是增加就業資源，公共設施等，得益的效果會更加直接。

在文章中的多個改名例子，根本就不能夠與是次相提並論。他們的改名時段，都是在社區早期未發展成熟時所更改，所製造的社區混亂已亦非常少。青山的改名，只是希望當地的地名能夠準確的帶出，不改成屯門的話，就會用上山名去做地方名，這的確是因為避免混亂而正改；將前港督府改為禮賓府，只是因為回歸後原有名字根本不合適當時的情況，而去改稱。天水圍一名又不像吊頸嶺那麼不良。不明為何會繼續的說要改名下去。