收到來自台灣筆友的包裹
一開始見到郵箱內有張領取郵件通知書，其實真是很驚喜！原來是來自台灣台南的筆友，走到台中時候買的手信！認識他是從 postcrossing 那邊認識的，一直也有聯絡開
在台灣那邊買明信片啊，手信啊，其實真是很方便，香港…真是甚麼也沒有，明信片十居其九也是維港的景色，想起也覺得很悶…下次還是要 DIY 才行，下次到日本旅遊還是要買當地的手信回禮才行！
0 Comments
偶然去一去西貢
大煙霞，日落都係封雲，但都照去行下西貢萬宜。
由西貢北潭涌行去西壩來回。行行下見到空的士，當然就上埋啦，雖然其實都算近，但多D時間去影相嘛。
雖然天色麻麻，之前黎最中意最想去就係壩底一塊大草地，之前係越南難民營，宜家就變左一大塊比牛牛住 ge 地方。睇住D牛，自己天生天養 gum，聽住牛聲蟲聲，好舒服，如果人可以過呢Ｄ生活，你話幾好，mud 都唔使煩唔使理。
0 Comments
遊老虎頭
話說有日去遊老虎頭，由梅窩行起。果然要鍛鍊架，一路D上斜樓梯路都幾係野，可能係我疏於練習吧。
行到去老虎頭，有種感動感覺。不過突然從大東南山果邊就飛黎雨雲，起山上面就落雨！
其實雨唔算太大，不過就好大風，好彩起山上面有個指示牌亭，可以比我避下雨，雖然個指示牌亭好細個，不過好彩D風D雨起牌一面打過黎，我企正另外一面可以成功避到少少雨！上半身無事，下半身就因為個亭下面係通 ge 緣故就濕曬啦。D風雨都打到個指示牌亭震曬架！感謝神！
好，搵日去再挑戰老虎頭先得～
0 Comments